Aldın xabar bergenimizdey, máhálle jasları arasında sporttıń kishi futbol, boleybol hám shaxmat túrleri boyınsha «Hákim kubogı» sport jarısı ótkerildi. 
Sport jarısına rayondaǵı máhállelerden 13 komanda óz-ara kúsh sınasıp, jarıs juwmaǵında jeńimpazlar anıqlandı. Sporttıń kishi futbol túri boyınsha 🥇1-orındı Kerder APJ; 🥈2-orındı Aqmańǵıt PPJ; 🥉3-orındı Tóktaw MPJ; Sporttıń voleybol túri boyınsha 🥇1-orındı Samanbay APJ; 🥈2-orındı Baqanshaqlı APJ; 🥉3-orındı Qutankól MPJ; Shaxmat túri boyınsha 1-orındı Turǵanbaev Jorabek, 2-orındı Dawletbayev Hasılbek, 3-orındı Orazbaev Jasurbek hám Quwanıshbaev Janibek iyeledi. Sonday-aq, qızlar arasında 1-orındı Erdashbaeva Ayziya, 2-orındı Maxsetbaeva Shaxnoza, 3-orındı Muxammedyarova Biybi-Aysha hám Uzaqbaeva Dinaralar jeńip alıwǵa miyassar boldı. Búgin rayondaǵı Ruwxıy-aǵartıwshılıq sarayında rayon hákimi Z.Zaytov jeńimpaz bolǵan komandalardı qutlıqlap, rayon hákimligi tárepinen shólkemlestirilgen diplom hám de bahalı sawǵalar tapsırıldı.
