Бүгин Нөкис районында саламат турмыс тәризин үгит-нәсиятлаў мақсетинде «Саламат турмыс тәризи ушын – 5000 қәдем» ғалабалық жүриў марафоны шөлкемлестирилди.
Нөкис районы ҳәкимлиги имараты жанынан басланған ғалабалық жүриў марафонына медицина, мәҳәлле белсендилери, спорт мектеби ҳәм жаслардан қуралған 300 ден аслам белсендилер қатнасты. Илаж даўамында марафон қатнасыўшылары район аймағындағы спорт мектеби стадионында азаңғы дене шынығыўларын орынлады.
