Búgin, Nókis rayonı hákimliginiń májilisler zalında Xalıq deputatları Nókis rayonlıq Keńesiniń gezektegi jetinshi shaqırıq úshinshi sessiyası bolıp ótti. Sessiya jumısına rayonlıq Keńes deputatları hám tiyisli taraw basshıları, jergilikli ǵalaba xabar quralları wákilleri qatnastı. 
Sessiyanı Xalıq deputatları Nókis rayonlıq Keńesi baslıǵı Z.Zaytov basqarıp bardı. Sessiya kún tártibinde Ózbekstan Respublikası Prezidenti basshılıǵında 2024-jıl 7-noyabr kúngi keńeyttirilgen tárizde ótkerilgen videoselektor májilisiniń 48-sanlı protokolınıń 14-bántinde belgilengen wazıypalardıń orınlanıwın támiyinlew maqsetinde Nókis rayonında suw resursların nátiyjeli basqarıw, suwdıń sarıplanıw muǵdarın kemeytiw hám suw tejewshi texnologiyalardı engiziw máseleleri haqqındaǵı rejesin tastıyıqlaw boyınsha Nókis rayonı suw jetkerip beriw xızmeti mámleketlik mákemesi direktorı I.Tilepbeavtıń málimlemesi tıńlandı. 
Kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha rayonlıq Keńes deputatları tárepinen tiyisli qararlar qabıl etildi.
Xalıq deputatları Nókis rayonlıq Keńesiniń gezektegi jetinshi shaqırıq úshinshi sessiyası bolıp ótti.
