Nókis rayonı 21-sanlı ulıwma bilim beriw mektebinde «Bes baslama olimpiadası» sheńberinde Nókis rayonı Mektepke shekemgi hám mektep bilimlendiriw bólimine qaraslı ulıwma bilim beriw mektepleri xızmetkerleri arasında «Saw denede – sapalı bilim» súreni astında Kásiplik awqam kubogi sport jarıslarınıń Nókis rayonlıq basqıshı bolıp ótti. Jarısqa mekteplerden jámi 116 xızmetker qatnastı.
Jarıs juwmaǵında sporttıń «Kishi futbol» túrinen 1-orındı 23-sanlı mektep komandası, «Voleybol» túrinen er balalar arasında 1-orındı 7-sanlı mektep, hayal-qızlar arasında 19-sanlı mektep komandası,
«Stol tennisi» boyınsha erler arasında 1-orındı 1-sanlı mektepten R.Jamalov, hayal-qızlar arasında I-orındı Qániygelestirilgen mektepten A.Jumabaeva, «Shaxmat» boyınsha erler arasında 1-orındı 16-sanlı mektepten Sh.Kaypov, hayal-qızlar arasında 1-orındı 1-sanlı mektepten G.Koщanova, «Shashka» boyınsha erler arasında 1-orındı 16-sanlı mektepten T.Ǵaniev, hayal-qızlar arasında 1-orındı 31-sanlı mektepten U.Aymanovalar jeńip aldı.
Jeńimpazlar Qaraqalpaqstan Respublikası basqıshına jollama aldı.
Jeńimpazlardı Káwender shólkemler hám Ózbekstan bilimlendiriw hám ilim xızmetkerleri kásiplik awqamı Nókis rayonı bólimshe kenesi tárepinen tayarlanǵan sawǵalar hám diplomlar tapsırıldı.
