Ózbekstan Respublikası Prezidentiniń 2024-jıl 24-dekabr kúngi 454-sanlı qararına tiykar, Nókis rayonı aymaǵındaǵı «Aqmańǵıt» kanalınıń 9,5 km aralıǵın rekonstrukciyalaw (betonlaw) belgilengen. Joybardı ámelge asırıw ushın 9,5 mlrd. swm qarjı ajıratılǵan bolıp, búgingi kúnde kesip alıp islewshi kárxana tárepinen kerekli texnikalar alıp kelinip, kanaldı betonlaw ushın tayarlaw jumısları alıp barılmaqta.
Nókis rayonındaǵı “Aqmańǵıt” xojalıqlar aralıq kanalı 1963-jılı iske qosılǵan bolıp, ulıwma uzınlıǵı – 9,5 km, ulıwma suw sarplanıwı – 3,0 m3/sek.ti quraydı. Bul kanal “Kattaǵar” magistral kanalınan suw alıp, Nókis rayonınıń “Aqmańǵıt,” “Kattaǵar” hám “Darsan” xojalıqları aymaqlarındaǵı xojalıqlarınıń qıytaq jer maydanların hám 29 fermer xojalıǵınıń jámi 2850 gektar egislik maydanlarına xızmet etedi. Kanaldı betonlaw nátiyjesinde, jıllıq esapta 5 mln 443 metr kub suw únemlenedi.
