«Ҳәким Кубогы»ның жеңимпазларын сыйлықлаў мәресими болып өтти

Алдын хабар бергенимиздей, мәҳәлле жаслары арасында спорттың киши футбол, болейбол ҳәм шахмат түрлери бойынша «Ҳәким кубогы» спорт жарысы өткерилди. Спорт жарысына райондағы мәҳәллелерден 13 команда өз-ара күш сынасып, жарыс жуўмағында жеңимпазлар анықланды. Спорттың киши футбол түри бойынша 🥇1-орынды Кердер АПЖ; 🥈2-орынды Ақмаңғыт ППЖ; 🥉3-орынды Төктаў МПЖ; Спорттың волейбол түри бойынша 🥇1-орынды Саманбай АПЖ; 🥈2-орынды Бақаншақлы АПЖ; 🥉3-орынды Қутанкөл МПЖ; Шахмат түри бойынша 1-орынды Турғанбаев Жорабек, 2-орынды Даўлетбайев Ҳасылбек, 3-орынды Оразбаев Жасурбек ҳәм Қуўанышбаев Жанибек ийеледи. Сондай-ақ, қызлар арасында 1-орынды Ердашбаева Айзия, 2-орынды Махсетбаева Шахноза, 3-орынды Мухаммедярова Бийби-Айша ҳәм Узақбаева Динаралар жеңип алыўға мияссар болды. Бүгин райондағы Руўхый-ағартыўшылық сарайында район ҳәкими З.Зайтов жеңимпаз болған командаларды қутлықлап, район ҳәкимлиги тәрепинен шөлкемлестирилген диплом ҳәм де баҳалы саўғалар тапсырылды.