Xalıqtıń, ásirese jaslardıń kitap oqıwǵa bolǵan qızıǵıwshılıqların asırıw hám kitapqumarlıq mádeniyatın elede rawajlanlırıw baǵadarında tarawda bir qatar ilajlar ámelge asırılmaqta. Búgin, Nókis rayonı Málimleme-kitapxana orayında 21-27-aprel kúnleri dawamında «Ózbekstan-kitapqumarlar jurtı» uranı astında V Respublika «Kitapqumarlıq hápteligi»niń ashlıw máresimi bolıp ótti. 
Ilajǵa Nókis rayonı Nuranıy qorı baslıǵı J.Qaypov, Adillik bólimi baslıǵı A.Ótewliev, Respublika ruwxıy-aǵartıwshılıq orayı rayonlıq bólimi baslıǵı N.Toimbetov, jazıwshı hám jurnalistler qatnastı. Onda sózge shıqqanlar, qatnasıwshılarǵa hám oqıwshı jaslarǵa kitap-bul ruwxıy azıq kitapqumarlıq bolsa eń aǵla payzıylet ekenligi túsindirilip, kitap penen dos bolıwǵa onı qádirlewge shaqırdı. 
Bunnan soń, Ilaj sheńberinde jıl dawamında kitapxana ilajlarında belsene qatnasqan hám eń kóp kitap oqıǵan kitapqumar ata-analarımız benen birgelikte belsendi jaslarımızǵa Málimleme-kitapxana orayı tárepinen estelik sawǵaları hám húrmet jarlıqları tapsırıldı. Sonday-aq, Málimleme-kitapxana orayı qánigeleri tárepinen kitapxanamızǵa jańadan kelgen kórkem ádebiyatlardan M.Nızanovtıń “Tutqın,” “Qaraqalpaqtıń dańqlı perzentleri” Yuy Xuanıń “Jasaw” romanlarına bibliografiyalıq sholıwlar berip ótildi. 
«Kitapqumarlıq hápteligi»
