Nókis rayonı hákimliginiń májilisler zalında Xalıq deputatları Nókis rayonlıq Keńesiniń gezektegi jetinshi shaqırıq segizinshi sessiyası bolıp ótti. Sessiya jumısına rayonlıq Keńes deputatları hám tiyisli taraw basshıları, jergilikli ǵalaba xabar quralları wákilleri qatnastı. Sessiyanı Xalıq deputatları Nókis rayonlıq Keńesi baslıǵı Z.Zaytov basqarıp bardı. Birinshi másele Nókis rayonı Xalıq qabıllawxanası tárepinen 2025-jıl birinshi sheregi dawamında rayon boyınsha múrájaatlardıń nızamlı úyreniliwinde jol qoyılıp atırǵan qáte-kemshilikler hám aldaǵı belgilengen wazıypalar haqqında Nókis rayonı Xalıq qabıllawxanası baslıǵı Q.Gulmanovtıń esabatı tıńlandı. Ekinshi másele Nókis rayonında 2025-jıl birinshi sheregi dawamında “Hayallar dápteri”niń 6-basqıshı boyınsha ámelge asırılǵan jumısları haqqında Nókis rayonı hákimi orınbasarı S.Abatovanıń bayanatı tıńlandı.Úshinshi másele Nókis rayonı Ishki isler bólimi tárepinen 2025-jıl birinshi sheregi dawamında ámelge asırılǵan jumıslarınıń Nókis rayonı Ishki isler bólimi Jámiyetlik qáwipsizlik xızmeti huqıqbuzarlıqlar profilaktikası bólimshesi baslıǵı E.Begdullaevtıń bayanatı tıńlandı. Tórtinshi másele Nókis rayonında 2025-jıl ajıratılǵan suw limitleri haqqında Nókis rayonı “Suw jetkerip beriw xızmeti” mámleketlik mákemesi baslıǵı D.Usakovtıń esabatı tıńlandı. Kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha rayonlıq Keńes deputatları tárepinen tiyisli qararlar qabıl etildi.
Xalıq deputatları Nókis rayonlıq Keńesiniń gezektegi jetinshi shaqırıq segizinshi sessiyası bolıp ótti
