Búgin Nókis rayonı hákimliginiń kishi májilisler zalında Xalıq deputatları Nókis rayonlıq Keńesiniń jetinshi shaqırıq ekinshi sessiyası bolıp ótti. Sessiyaǵa deputatlar, sektor basshıları, mákeme hám shólkem baslıqları qatnastı. Kún tártibinde tórt másele kórip shıǵıldı. Birinshi másele Ózbekstan Respublikasınıń jańa redakciyadaǵı Jergelikli hákimiyat haqqındaǵı Nızamınıń 163-statyasına muwapıq hám 2024-jıl 28-noyabr kúngi siyasiy partiya toparlarınıń qospa májilisindegi usınısına tiykarlanıp, 14-«Tarlı» saylaw okruginen saylanǵan deputat Zaytov Ziyawatdin Imamatdinovich Xalıq deputatları rayonlıq Keńesi baslıǵı lawazımına tastıyıqlandı. Ekinshi másele Xalıq deputatları Nókis rayonlıq Keńesi sekretariatı baslıǵı lawazımına 2-«Jiydeli» saylau okruginen deputat Seytnazarov Nuratdin Pirniyazovich tastıyıqlandı. Úshinshi másele Xalıq deputatları Nókis rayonlıq Keńesiniń turaqlı komissiyaların dúziw haqqında másele kórip shıǵıldı. Tórtinshi másele Nókis rayonı Xalıq qabıllawxanası baslıǵı Q.Gulmanov esabatı tıńlandı. Sessiyada qaralǵan máseleler deputatlar tárepinen bir awızdan maqullanıp, tiyisli sheshimler qabıl etildi.
Xalıq deputatları Nókis rayonlıq Keńesiniń jetinshi shaqırıq ekinshi sessiyası bolıp ótti
