Nókis rayonı hákimi Ziyawatdin Zaytovtıń basshılıǵındaǵı delegaciya aǵzaları tájiriybe almasıw maqsetinde awıl xojalıq tarawın rawajlandırıw, qayta islew hám tamarqa jerlerden únemli paydalanıw, isbilermenlik subektleriniń jumısların jolǵa qoyıw baǵdarında Ferǵana wálayatında xızmet saparında boldı. Ámeliy sapar dawamında delegaciya aǵzaları Ferǵana wálayatı Quva rayonındaǵı nál jetistiriw subetlerinde bolıp, bul jerdegi jetistirilgen miywe nálleri hám jańadan jaratılıp atırǵan baǵı menen jaqınnan tanıstı. Delegaciyanıń gezektegi sapar obekti Quva rayonı «Tamarqa jer uchastkalarında nátiyjeli paydalanıw ilimiy-ámeliy orayı»nıń jumıs processi menen tanıstı. Bul orında 395 gektar jer maydanına shiye, erik, almurt, shabdalı hám basqada miywelerdi jetistirip, Rossiya, Qıtay hámde Koreya mámleketlerine 1,5 mln dollorlıq eksport etiledi. Bunnan soń «YINGAI AGRO CUL URAL FOOD TECHNOLOGY» islep shıǵarıw kárxanasında boldı. Ol jerde miywe hám juzim ónimlerin qurıtıp hám qadaqlap shet el mámleketlerine jılına 300 mln dollor eksport etiledi. Kárxana tárepinen ámelge asırılıp atırǵan jumısları delegaciya aǵzalarında unamlı tásir qaldırdı. Sonıń menen birge «Fruns grant» juwaprkershiligi sheklengen jámiyetinde bolıp, 37 gektar maydanǵa tamshılatıp suwǵarıw texnologiyası arqalı intensiv baǵ jetistirip, bul jerdegi jetistirilgen miywe ónimleri Rossiya, Narvegiya mámleketlerine eksport etiledi. Altıariq rayonındaǵı «Xayrulla Baxrom Baymatov» kóp tarmaqlı fermer xojalıǵında bolıp, bul jerde 75 gektar maydanǵa egilgen juzim sortları menen tanıstı. Sonnan mers, avatar, xusayini, manikyur juzim sortları jetistirip, fermer xojalıǵı tárepinen Rossiya mámleketine 2mln dollor etilmekte. Sapar juwmaǵında Nókis rayonında Ferǵana wálayatı tájiriybesi tiykarında jańadan juzim sortların hám baǵdarshılıqtı rawajlandırıw boyınsha óz-ara kelisip alındı.
Nókis rayonı hákimi basshılıǵındaǵı delegaciya 2-3-dekabr kúnleri Ferǵana wálayatında xızmet saparında boldı
