Mámleketlik jeke sherikshilik tiykarında hám shańaraqlıq mámleketlik emes mektepke shekemgi bilimlendiriw shólkemleri ushın seminar bolıp ótti

Nókis rayonı mektepke shekemgi xám mektep bilimlendiriw bólimine qaraslı «Fortuna-Xantóre» mámleketlik jeke sherikshilik tiykarında shólkemlestirilgen mektepke shekemgi bilimlendiriw sholkeminde Nókis qalası hám Nókis rayoni mámleketlik jeke sherikshilik tiykarında hám shańaraqlıq mámleketlik emes mektepke shekemgi bilimlendiriw shólkemleri shólkemlestiriwshileri ushın respublikalıq seminar bolıp ótti. Seminarǵa Qaraqalpaqstan Respublikası Mektepke shekemgi hám mektep bilimlendiriw ministrligi metodisti N.Qurbanova, Sanitariya-epidemologiya tınıshlıq hám jámáát salamatlıǵı Nókis rayonlıq bólimi vrachı, Nókis rayonı Mektepke shekemgi hám mektep bilimlendiriw bólimi Mámleketlik-jeke sherikshilik tiykarındaǵı bilimlendiriw shólkemleri iskerligin muwapıqlastırıw boyınsha bas qánigesi A.Tilewniyazova, bólimi bas metodist A.Kallibekova hám bilimlendiriw ilim hám mádeniyat xızmetkerleri Nókis rayonı bólimshesi baslıǵı  M.Nuratdinovlar qatnastı. Seminar dawamında Mektepke shekemgi bilimlendiriw shólkemlerinde salamat awqatlandırıwdı shólkemlestiriwdiń áhmiyeti, Mektepke shekemgi bilimlendiriw shólkemlerinde sanitariya-gigiena qaǵıydaları hám normalarına ámel etiw, Mámleketlik emes MShBSh tiyisli is hújjetleriniń júritiliwi, Mámleketlik emes MShBSh tiyisli qabıl etilgen huqıqıy normativ hújjetler menen tanıstırıw hám rayonlıq mámleketlik jeke sherikshilik tiykarında hám shańaraqlıq mámleketlik emes mektepke shekemgi bilimendiriw shólkemleri xızmetkerleriniń baslanǵısh kásiplik awqamı komiteti”n dúziw haqqında tusiniklerge iye boldı. Seminar dawamında qatnasıwshılar ózlerin qızıqtırǵan sorawlarǵa juwaplar aldı hám pikir usınısların bildirdi.

Skip to content