Qaraqalpaqstannıń Nókis rayonında kishi palshılıqtı zamanagóy óndiris tarmaǵına aylandırıwdı haqıyqıy jetiskenlik, dep aytıwǵa boladı. Klimatqa shıdamlı awıl xojalıǵın rawajlandırıw joybarımız sheńberinde hám YAponiya húkimeti járdeminde jergilikli fermerler óz bizneslerin jańa basqıshqa kóteriw imkaniyatına ie boldı.
Búgin biz paldı qayta islew hám qadaqlaw ushın innovaciyalıq úskeneler ornatılǵan kárxanada boldıq. Saatına 2400 plastinka islep shıǵarıw quwatlılıǵı tek ǵana ónimniń sapasın joqarı dárejede támiyinlep qoymastan, al jergilikli xalıq ushın jańa jumıs orınların da jaratpaqta.
Bul tabıs arqasında awıl xojalıǵı baslamaları tańlawında jeńimpaz bolǵan fermer Baxtiyor Jobaevtıń háreketleri haqqındaǵı gúrrińi jatadı. Endi onıń tábiyǵıy palı baqsha balaların quwandırmaqta, emlewxanalarǵa jetkerip berilmekte hám jergilikli bazarlarda talapqa ie bolmaqta. Biraq Baxtiyar erisken jetiskenlikleri menen toqtap qalmaqshı emes – onıń rejelerinde “Bir awıl – bir ónim” joybarı sheńberinde xalıqaralıq bazarǵa shıǵıw da bar.
