«Isbilermenlik hám qalasazlıq iskerligin ámelge asırıwda jer resurslarınıń investiciyalıq múmkinshiliklerinen nátiyjeli paydalanıw ilajları haqqında»ǵı PP-135-sanlı pármanı qabıl etildi. Párman menen: a) awıl xojalıǵına mólsherlenbegen jer uchastkaların múlk huqıqı yamasa ijara huqıqı tiykarında, awıl xojalıǵına mólsherlengen jer uchastkaların ijara huqıqı tiykarında satıp alıw muǵdarın tómendegi shártlerde hár ayda teń úleslerde, qaldıq summaǵa Oraylıq banktiń tiykarǵı stavkasında payız esaplaǵan halda bólıp tólewge ruxsat beriledi: Tashkent, Nókis qalaları hám wálayatlar oraylarında – 3 jıl dawamında keminde 35 payız muǵdarında dáslepki tólemdi on bes jumıs kúninde ámelge asırıw shárti menen; basqa xalıq punktlerinde – 5 jıl dawamında, 4- hám 5-kategoriyadaǵı rayonlarda bolsa 10 jıl dawamında keminde 15 payız muǵdarında dáslepki tólemdi on bes jumıs kúninde ámelge asırıw shárti menen; b) barlıq túrdegi jer uchastkalarınıń muǵdarın on bes jumıs kúninde tolıq tólengen jaǵdayda, jámi summaǵa salıstırǵanda 20 payız shegirme beriledi, bunnan baslanǵısh bahası 50 payızdan artıqqa kemeytirilgen halda realizaciya etilgen jer uchastkaları tısqarı ; v) jer uchastkaları eń jaqsı usınıstı tańlaw tiykarında bahalaӯshı shólkem anıqlaytuǵın bazar bahasında Ministrler Kabineti tárepinen tuwrıdan-tuwrı realizaciya etilgende, bul jer uchastkası ushın tómendegi kórinislerden birinde esap -kitap etiliwi múmkin: jer uchastkasınıń bahasın tikkeley tólew, sonday-aq, bul bantge muwapıq bólıp tólew; jer uchastkasınıń bahasın talaban tárepinen shólkemlestirilgen (shólkemlestiriletuǵın) xojalıq jámiyetiniń ustav fondına belgilengen shártler tiykarında mámleket úlesi retinde kirgiziw. «Elektron onlayn-aukcionlardı shólkemlestiriw» AJ Qaraqalpaqstan Respublikası aymaqlıq wákili. R.Esimbetov
JER RESURSLARÍ INVESTICIYALÍQ IMKANIYAT
