Қишлоқ хўжалигига мўлжалланмаган ер участкаларини хусусийлаштириш тўғрисида 728-сонли Ўзбекистон Республикаси Қонуни қабул қилинган.
Ушбу қонуннинг 12-моддасида хусусийлаштирилмайдиган ер участкаларига кўрсатиб ўтилган.Улар:
Фойдали қазилма конлари жойлашган ер участкалари;
Табиатни муҳофаза қилиш, соғломлаштириш, рекреатсия мақсадлари ва тарихий-маданий мақсадлар учун мўлжалланган ерлар таркибига кирувчи ер участкалари;
Қонунчиликка мувофиқ хусусийлаштирилмайдиган давлат мулки объектлари жойлашган ер участкалари;
Шаҳарсозлик фаолиятини амалга ошириш учун қонунчиликда чекловлар белгиланган ҳудудлардан фойдаланиш зоналарида жойлашган ер участкалари;
Хавфли моддалар билан зарарланган ва биоген заҳарланишга учраган ер участкалари;
Кўп квартирали уйлар жойлашган, шунингдек, кўп квартирали уйларга туташ ер участкалари;
Давлат-хусусий шериклик лойиҳаларини, ижтимоий шериклик тўғрисидаги битим ва шартномаларни амалга ошириш учун берилган, шунингдек, юридик шахсларга жамоат эҳтиёжлари учун берилган ер участкалари кўрсатиб ўтилган.
Шу билан бирга 14-моддасида ер участкаларини хусусийлаштириш усулларига:
Хусусийлаштириш субъектлари томонидан ўзига доимий фойдаланиш (эгалик қилиш), ижара ёки мерос қилиб қолдириладиган умрбод эгалик қилиш ҳуқуқи асосида тегишли бўлган ер участкаларини сотиб олиш;
ер участкаларини электрон онлайн-аукцион орқали харид қилиш орқали амалга оширилиши белгилаб ўтилган.
“Elektron onlayn-auksionlarni
таъсис этиш” АЖ
Республика ҳудудий вакили Р. Есимбетов
