Búgin Qaraqalpaqstannıń shetki aymaǵı Nókis rayonındaǵı “Arbashı” jámáátinde Yaponiya húkimeti járdeminde ámelge asırılǵan suw shıǵarıw stanciyasınıń saltanatlı ashılıw máresimi bolıp ótti. 300 shańaraqqa mólsherlengen eski stanciya eki ese kóbeygen xalıqtıń talapların qanaatlandıra almay qalǵan edi. 
Búgin bul mashqala artta qaldı. ️ Saatına 108 m3 quwatlılıqqa iye jańa nasos úskeni hám 600 metrlik suw qubırı jámááttiń 3000 nan aslam xalqın hám 500 shańaraǵın taza ishimlik suwı menen támiyinlemekte, onıń sapası barlıq sanitariyalıq normalarǵa juwap beredi. Arbashı xalqı ushın bul tek ǵana infrastruktura joybarı emes – bul jańa turmıs sapası hám perzentlerdiń salamatlıǵı. Taza suw hár bir shańaraq ushın arzıwdan kúndelikli haqıyqatlıqqa aylandı. 
Nókis rayonı xalqı taza ishimlik suwı menen támiyinlenbekte
