Fermer xojalıģınıń baslıģın ózgertiw bul minnetleme emes, bálki tikkeley fermer xojalıģınıń baslıģı hám fermer xojalıģın basqarıwdı óz moynına alıp atırģan shańaraq aģzalarınan birewiniń huqıqı esaplanadı.
Ózbekstan Respublikası “Fermer xojalıģı haqqında”ģı Nızamınıń
13-statyasına kóre, “fermer xojalıģı baslıģı qaytıs bolģan jaģdayda, jer uchastkasın ijaraģa alıw huqıqı nızamshılıqqa muwapıq ijaraģa alıw shártnamasınıń ámel qılıw múddetine miyraslar boyınsha ótedi”. Bul tiyisli tártipte rásmiylestiriledi.
Nızamınıń 13-statyaģa muwapıq, fermer xojalıģı baslıģı pensiya jasına tolģanda yamasa miynetke bolģan qábiletin joģatģanda, sonday-aq múddetli áskeriy xızmetke shaqırılģanda, joqarı bilimlendiriw mákemesine kúndizgi oqıwģa qabıl etilgende, saylab qoyılatuģın lawazımlarģa saylaģanı waqıtta,
jer maydanın ijaraģa alıw huqıqın óziniń rayon hákimi atına berilgen arzasına kóre bul Nızamnıń 4-statyası birinshi bólegi talaplarına juwap beretuģın óz shańaraq aģzalarınan birine nızam hújjetlerine muwapıq ijara shártnaması ámel etetuģın múddetke beriwi múmkin.
shańaraq aģzaları bolıp – xojalq baslıģı onıń hayal, ata-ana hám balaları (perzentlikke alıwshılar hám perzentlikke alınģanlar) esaplanadı.
Fermer xojalıģına jańadan tayınlanıp atırģan baslıq, fermer xojalıģınıń aldınģı basshısınıń shańaraq aģzası ekenligin tastıyıqlawshı hújjetin tiykar etip keltiredi.
Fermer xojalıģınıń jańa baslıģı on segiz jasqa tolģan, awıl xojalıģında tiyisli ilmiy tájriybe yamasa jumıs tájiriybesine ie bolģan Ózbekstan Respublikasınıń puqarası bolıwı kerek.
Fermer xojalıģına ijaraģa berilgen jer maydanları menshikllestiriliwi, sonıń menen birge satıwģa, grew, sawģa, hámde almastırıw ob’ekti bolıwı múmkin emes.
Fermer xojalıģı baslıģı qaytıs bolģan jaģdayda, jer maydanın ijaraģa alıw huqıqı nızamshılıqqa muwapıq, jer ijara shártnamasınıń ámel qılıw múddetine shekem miyrasxorlarına ótedi.
Fermer xojalıģı baslıģı qaytıs bolģan jaģdayda, jer maydanın ijaraģa alıw huqıqın miyrasxorlarģa ózgertiw tómendegishe basqıshlarda ámelge asıriladı.
Birinshi basqısh. Miyrasxorlar gúwalıģı alınadı.
Miyras isi ashılģan orındaģı notarius miyrasxor (lar) dıń jazba arzasına tiykar miyraslar gúwalıģın beredi.
Miyrasqa bolģan huqıqtı tastıyıqlawshı gúwalıq miyras isi ashılģan kúnden baslap altı ay ótkeninen keyin beriledi.
Fermer xojalıģınıń mal-múlki nızam hújjetlerge muwapıq wásiyatnama arqalıda miyras etip qaldırıw múmkin.
Nókis rayonı ádillik bólimi MXO direktorı B.Auezov
