Өзиңизге белгили, март айының биринши ярымында танлаўдың мәхәлле ҳәм район (қала) басқышы шөлкемлестирилди. Мәҳәлле басқышында 452 мәҳәлледен жәми 7684 хожалық ҳәм 6975 көше бийи қамтып алынған болса, екинши басқышқа жәми 1356 мәҳәлле баслығы, көше бийи ҳәм хожалық ийелери қатнасты. Қатнасыўшылар таңлаў шәртлери бойынша өз жумысларын көргизбели таныстырды ҳәм белгиленген сораў-жуўаплар тийкарында өз билимлерин сынақтан өткерди.
Мине, бугинги Қарақалпақстан Республикалық басқышта болса, екинши басқыштың жеңимпазлары 51 мәҳәлле баслығы, көше бийи ҳәм үй ийелери катнасты.
Таңлаў жуўмағына көре «Абат шаңарақ», «Абат көше» ҳәм «Абат мәҳәлле» номинациялары бойынша үшинши орын Елликқала районының «Пахтачи» мәҳәллеси, екинши орын Нөкис қаласының «Нәўпир» мәҳәллеси ҳәм улыўма жеңимпазлық Нөкис районының «Дийқан арна» мәҳәллесине несип етти.
